Öpl, snökk og nömm

Ég heyrði þessa skemmtilegu setningu hjá unglingi nokkrum í vikunni: ,"Ég ætlaði bara að fá mér tvö snökk en áður en ég vissi, var ég búinn að klára allann pokann" 

Ég spurði hann hvað hann fengi sér mörg nömm, þegar hann keypti sér bland í poka og hvort hann fengi sér eitt epli á dag eða tvö öpl. Þá horfði hann forviða á mig og áttaði sig engann veginn á því hvað ég væri að fara... og ekki virtust vinir hans heldur átta sig. 

Þetta var nú bara svona smá gullkorn og ég mátti til með að deila þvi með ykkur.

 

 

 

Hlýnar um hjartarætur

Ég get ekki annað en glaðst yfir þessum fréttum.

Fólk lætur ekki bjóða sér hvað sem er.  Því er verulega misboðið!!!

Mér finnst þetta svo ótrúlega barnalegur sandkassaleikur hjá þeim í nýju stjórninni.  Manni sýnist menn leggjast verulega lágt til að ota sínum tota.  Ég hef það á tilfinningunni að þeir í sjálfstæðisflokknum séu að misnota sér aðstöðuna.  Bjóða þessum .............. manni að taka við borgarstjórastólnum í ákveðið langan tíma til að koma sínum mönnum og málefnum að.

Eins og kom fram í sjónvarpsfréttum þá virðist Vilhjálmur sjálfur, ekki alveg treysta þessum manni fyrir stólnum, heldur ætlar hann að vinna þetta allt með honum. 

Eins hefur komið fram að Sjálfstæðismenn taka formennsku í öllum nefndum..... heldur hann Villi og hirðin hans að við séum algjör fífl.

Maður spyr sig hvað veldur þessum gjörningi hjá þessu fólki, er þetta sjúkleg valdagræðgi...... ég vil trúa því að þetta fólk sé réttsýnt og heiðarlegt og tel ég líklegra að Vilhjálmur sé að gera tilraun til að fegra orðspor sitt eftir REI-upphlaupið.  Hann vonast líklega til að um hægist með tímanum og að fólk verði orðið sáttara við hann í lok kjörtímabilsins.  Þá mun hann líklega hætta í stjórnmálum og gerir ráð fyrir að fólk verði búið að gleyma öllu þessu slæma.

Ég segi eins og mótmælendurnir sögðu í Ráðhúsinu í dag:,,Hættið við,...Reykjavík á betra skilið"

Hávær mótmæli í Ráðhúsinu